لمئی بولی تا جہانی دے آ بلوچ اسٹوڈنٹس آرگنائزیشن نا مسکوہی چئیرمین و بی این ایم نا مسکوہی سیکریٹری جنرل رحیم بلوچ ایڈوکیٹ چاگڑدی حوالکای تلہ ایکس آ پوسٹ ئس کرسا پارینے کہ زیر دستی نا دُو آن بلوچاک خواننگ جاگہ غا تیٹی، سرکاری دفتر تیٹی و رہوت کاری نا کاریم تیٹی تینا لمئی بولی تیٹ خواننگ، نوشتہ کننگ و ہیت کننگ کپسہ، ہرا نا سوب آن ننا لمئی و راجی بولیک ننیان گم و گار مننگُرک۔
او پارے کہ راج دوست و زبان دوست آ نوشتہ کار، شائر و لس بلوچ آتا کوشست آکر کہ دا نگیگ آ وخت و نوبت ئٹی ہم ننا لمئی و راجی زبانک زندہ اُر۔
اونا پاننگ اس کہ خوْشی نا ہیت دادے کہ اینو انٹرنیٹ و چاگڑدی پتراک نن گونا زیر دست آ راج آتے کن تینا لمئی و راجی بولی تیٹی نوشتہ کننگ، ہیت و رہوت کاری کننگ نا، تینا لمئی بولی تہ زندہ تخنگ، گم و گار مننگان آن رکھینگ و مونی دننگ نا باز بھلو آسراتی ودی کرینُر۔
رحیم بلوچ نا ودیک پاننگ اس کہ ببو لمئی زبان تا جہانی دے آ نن تینا لمئی و راجی زبان تیٹی نوشتہ کننگ، ہیت و رہوت کاری کننگ نا عہد کین۔
