بلوچ نسل کشی و زوراکی ئٹ بیگواہی تہ برخلاف اسلام آباد ئٹی برانز آتا بھلنی کروکا بلوچ یکجہتی کمیٹی نا راہشون ڈاکٹر ماہرنگ بلوچ نا برخلاف سندھ ئنا شہر خیر پور ئٹی مقدمہ نوشتہ کننگا ۔
تھانہ وڈا ماچھیوں آ سب انسپیکٹر نا مدعیت ئٹی مقدمہ نوشتہ کننگا ، بلوچ راہشون ماہرنگ آ بندغ آ تے ریاست و فوج ئنا برخلاف کننگ نا دوبہ ءِ ۔
یاتی مرے کہ ہنوکا کیہی دے تیان پاکستان نا دارلحکومت اسلام آباد ئٹی بلوچ یکجہتی کمیٹی نا سربراہ ڈاکٹر ماہرنگ بلوچ نا بھلُنی ٹی بیگواہ آ بندغ آتا آجوئی کن برانز برجا ءِ ۔
ڈاکٹر ماہرنگ بلوچ نا پاننگ ءِ کہ ننا اولیکو خواست دادءِ اقوام متحدہ نا فیکٹ فائنڈنگ کمیٹی خوائفنگ مرے ہراتینٹ بندغی حق آ تا خلاف ورزی تہ ئے ءِ ہلے و بلوچستان ئٹی بیدس عدالت آن خلنگ تے بند کیر ۔
