بلوچستان نا علاقہ ڈھاڈر نغاری نا ہند آن اسہ بندغ ئسے نا جون خننگانے۔
جون ئے سول اسپتال ڈھاڈر آ رادہ کننگا ہراڑے او خادم حسین ابڑو نا پن ئٹ درست مسُنے۔
حوال تا رد ئٹ خادم حسین ابڑو اِرا دے مست اُراغان پیشتمنگ آن گڈ بیگواہ اس۔
پولیس نا رد ئٹ خادم حسین ابڑو محکمہ پولیس ئٹی کلاس فور نا ملازم ئس مسُنے۔
نادرست آ بندغ آک پن کروک بندغ ئے کاٹم ئٹ سُم خلِسہ کھسفینو و جون ئے ویران ئسیٹ خسانو۔
واہم تدینی نا سوب دائسکان سما تمتنے۔
