بلوچستان نا ضلع کیچ ئٹی سلاہ بند بندغ آک سُمکاری کرسا اسہ ورناس ئے کھسفینو۔
سُمکاری ٹی بیران مروک ورنا منظور نا مار کریم داد نا پن ئٹ درست مسنے۔
پن کروک ورنا گومازی تمپ ئنا جہی ئس ءِ۔
جہی حوال تروک آتا ردئٹ سُمکاری نا تدینی تمپ کوہاڑ ئٹی مسنے۔
حوال تروک نا رد ئٹ سُمکاری کروکا بندغ آک سرکاری مُخ تف سلاہ بند ٹولی ‘ڈیتھ اسکواڈ’ آن مسنو۔
خیال ئٹ مرے کہ برجاء ہفتہ پن کروک علاقہ ٹی دا ارٹمیکو تدینی ءِ۔
مُسہ دے مُست معراج پنیئو ورناس ئے سلاہ بند بندغ آک سُمکاری کرسا خلکُر۔ اونا بارو ئٹ اندا پاننگک کہ اودے ہم ڈیتھ سکواڈ نا کارندہ غاک سُمکاری کرسا کھسفینو۔
