پنجگور آن رسینگوکا حوال تا رد ئٹ سبز آپ نا علاقہ گومازین ئٹی نادرست آ بندغ آتا سمکاری آن 2 بندغ بیران و 3 ٹپی مسنو۔
جہی حوالکار (صحافی) ئسے نا رد ئٹ ہرا علاقہ ٹی دا تدینی مسس او شار آن بھاز مر ءِ اندا سوب آن کھئوک و ٹپی مروکا دائسکان درست متنو و تدینی نا سوب ہم خبر تمتنے۔
ایلو کنڈ آن بلوچستان نا دریابی شار گوادر نا تحصیل پسنی آن پاکستانی لشکر نا دو آن زوراکی ئٹ بیگواہ کننگوک شش بندغ ئے یلہ کننگانے۔
یلہ کننگوک بندغ آتیٹ صوالی نا مار نصیب اللہ، عبدالرزاق نا مار سلیم رضا، ریاض احمد نا مار صلائی، محمد اکرم نا مار مقبول، پھلان نا مار زمان علی و عارف نا مار شعیب احمد اوار ءُ۔
آجو مروک بندغ آتِہ پسنی پولیس نا حوالہ کننگانے، ہراکان اوفتا خاہوت آتتون حوال کرسا اوفتِہ اوفتا اِرا تیا راہی کننگانے۔ خاہوت آک تینا بندغ آتا آجوئی آ جارات نا درشانی کرینو۔
