آواران : ہشت سال مُست پاکستانی لشکر نا دُو آن زوراکی ئٹ بیگواہ مروک آ ورنا صوالی نا خاوت بندغی حق آتا ادارہ تیان توار بڑز کننگ نا خواست ئے کرے ۔
خاوت پارے کہ صوالی ولد میعار آواران نا ہند مالار زیرک نا تولوک ئسے ہرادے پاکستانی لشکر 15 جولائی 2015 آ مالار ئٹی لشکر کشی نا وخت پین کیہی بندغ آتون اوار بیگواہ کرے ۔ ایلو کُل بندغ آک آجو مسنو ولے صوالی انگہ بیگواہ ءِ ۔
اونا پاننگءِ کہ صوالی نا زوراکی ئٹ بیگواہی ئے ہشت سال پورو مسُنے ولے ننے انگہ اونا بابت ئٹ ہچو حوال ئس تننگ متنے کہ او امرءِ ۔
ہندی عدالت آک سوج و انصاف کن اڈ کننگ مسنو ننا ہندا خواست ءِ کہ اگہ صوالی نا زی آ دوبہ ئس ارے گُڑا اودے عدالت نا مونا ہتنگ مرے ۔ اونا زوراکی ئٹ بیگوائی آن صوالی نا کُل خاوت اذیت ئٹی ءِ ۔
خاوت بندغی حق آتا ادارہ تیان خواست کرینے کہ صوالی نا آجوئی کن توار بڑز کننگ کن اوفتا کمک مریر ۔
