بلوچستان لبریشن فرنٹ نا ترجمان میجر گوہرام بلوچ میڈیا غا شنگ کروک تینا بیان ئٹی پارینے کہ سرمچارک 17 فروری آ سہب ئنا دہ بجہ نا وختا بنڈکی مشکے ٹی جوڑ مروکا کسر آ سلوک دشمن فوج ئنا کارندہ غا تیا سنائیپر ئٹ جلہو کریر۔ ہراڑے اسہ کارندہ ئس ہمو جہہ آ کھسک ہندن دشمن فوج سرمچار تا پدئٹ تمّا و اوفتہ پلویڑ کننگ نا کوشست کرے ولے سرمچارک گوریلا جنگی حکمت عملی نا رد ئٹ دشمن ئے بے سوب کریر۔
او پارے کہ بی ایل ایف نا سرمچارک مہالو آن دشمن نا دا چم ئکن کیہی جہہ تیا سنگر ہلوک تولوک اسّر، دشمن فوج ئنا اِرا گاڈی آ سرمچارک ترندی ئٹ جلہو کریر و ویگو گاڈی ٹی سوار پنچ کارندہ ئے جاگہ غا مرگ ئنا گواچی کریر، ہندن ایلو پارہ غان مونی بروکا دستہ ٹی مسہ موٹرسیکل آ سوار ہفت کارندہ جلہو ئٹی بسّر و مرگ ئنا گواچی مسر، اسہ موٹرسیکل ئس ہشنگا ایلو اِرا موٹرسیکل و اسہ گاڈی ئسے بھاز نسخان رسینگا۔
او ودیک پارے کہ جنگ ئنا وخت دشمن لشکر نا کمک کن ہیلی ہم بس و اسہ بھلو جنگ ئس چھار ساہت اسکا برجاء سلیس۔ سرمچارک تینا دُو ئنا جنگی مڈی تتون نہ بیرہ ہیلی تا ترندو جلہو کریر بلکہ تینے رکھسہ سرسلامت پیشتمنگ ئٹی سرسوب مسّر۔
ترجمان نا پاننگ اس کہ دا جلہوک پاکستانی لشکر ئے یات شاغفرہ کہ بلوچ سرمچارک ہچّو وڑ ئسیٹ تینا وطن آ کوزہ گیر ئے منّوفس و ہمو وخت اسکا دا جنگ ئے برجاء تخور ہراتم اسکا بلوچستان آجو متنے۔ دا جلہو نا تیبہ ویڈیو زوت بی ایل ایف نا میڈیا سیل ‘آشوب’ آ شنگ کننگو۔
میجر گہرام بلوچ نا پاننگ اس کہ بی ایل ایف دا جلہو تا زمہ واری ئے ہرفک و بلوچستان نا آجوئی اسکا تینا جہد ئے برجاء تخنگ تون اوار پاکستانی لشکر آ بروکا وخت ئٹی اندنو پین جلہو کرسہ کرو۔
