بلوچ لبریشن آرمی نا جارکش جیئند بلوچ میڈیا ٹی شنگ کروک درشان ئٹی پارینے کہ ننا سرمچاراک شال ئٹی اِرا جاگہ آ جلہو کرسہ کوزہ گیر پاکستانی فوج ئے جانی و مالی نسخان تسُر۔
جارکش پارے کہ بی ایل اے نا سرمچاراک یک شمبے نا شام شال ئٹی سریاب کسر آ ڈگری کالج آن خُڑک کوزہ گیر پاکستانی فوج ئنا چوکی آ جلہو کریر، سرمچاراک دشمن فوج آ گرنیڈ لانچر ئٹ گولہ خلکُر ہراڑے اودے جانی و مالی نسخان رسینگا۔
جیئند بلوچ مُستی پارینے کہ بی ایل اے نا سرمچاراک اسہ پین جلہو ئسیٹ اِستو بروری شال ئٹی پاکستانی فوج ئنا کرانی چوکی آ جلہو کریر۔ سرمچاراک دشمن فوج آ گرنیڈ لانچر نا گولہ ئٹ جلہو کریر ہرا ٹِک لگار و دشمن فوج ئے نسخان رسینگا۔
جارکش پارینے کہ بلوچ لبریشن آرمی دا ارٹنگا جلہو تہ زمہ واری تے ہرفک۔
