بلوچستان لبریشن فرنٹ نا جارکش میجر گوہرام بلوچ تینا درشان ئٹی پارینے کہ بی ایل ایف نا سرمچاراک آواران و کیچ ئٹی کوزہ گیر پاکستانی فوج، پولیس تھانہ و لیویز چوکی تا ہشت جہلو ئٹی سِلاہ دُوئی کننگ تون اوار ریسٹ ہاوُس و موبائل ٹاور ئس ہُشانُو۔
اونا پاننگ اس کہ سرمچاراک اِستو مالار آواران ئٹی کوزہ گیر پاکستانی فوج ئنا کیمپ ئے بھلا سِلاہ تیٹ ٹِک کریر ہراڑے اسہ کارندہ ئس کھسک و اِرٹ ٹھپی مسّر۔
اسہ پین جلہو ئسیٹ سرمچاراک شانزدہ فروری نا شام ئنا دہ بجہ غا گجر مشکے ٹی کوزہ گیر پاکستانی فوج ئنا کیمپ آ لانچر و ایلو پوسکنا سِلاتیٹ جلہو کریر، جلہو ئٹی فوجی کارندہ آک کھسکُر و ٹھپی مسّر۔ جلہو آن پد کوزہ گیر فوج لس مخلوق آ سُم کاری کرے و اوفتے لٹ کُٹ کرے، ہرا کوزہ گیر فوج ئنا بے سہبی نا نشانیءِ۔
میجر گوہرام بلوچ مُستی پارینے کہ سرمچاراک پانزدہ فروری آ گجر مشکے ٹی لیویز چوکی آ جلہو کریر، جلہو ئٹی سرمچاراک لیویز کارندہ آتا دزگیر کرسا اوفتا سرکاری سِلاہ و ایلو مڈی تے ہرفیر۔ ہندن کارندہ آتے خبڑدار کننگ آن پد یلہ کریر۔ ہندا دے پین جاگہ سے آ مشکے پولیس تھانہ آ سرمچاراک جلہو کریر، ہراڑے سرمچاراک سُم کاری کرسہ تھانہ ئے نسخان تسّر و پولیس نا کارندہ آتے ہچّو نسخان ئس تتوس۔ ہندن کلر مشکے ئٹی اسہ سرکاری ریسٹ ہاوُس ئس و اسہ یوفون ٹاور ئس سُم کاری کرسہ بُھس کریر۔
بی ایل ایف نا جارکش نا پاننگ اس کہ اسہ پین جلہو ئسیٹ سرمچاراک شانزدہ فروری نا نن گورکوپ کیچ ئٹی فوجی کیمپ آ گرنیڈ لانچر ئٹ جلہو کریر، ہراڑے گولہ آک کیمپ ئنا تہہ ٹی تمار ہراڑان فوج ئے جانی و مالی نسخان رسینگا۔ جلہو آن پد کوزہ گیر فوج لس مخلوق آ مارٹر گولہ خلک ولے بلوچ سرمچاراک جلہو آن پد سلامتی ئٹ رکھکوک ٹھکانہ آ سرمسّر۔
بی ایل ایف دا کُل جلہو تہ زمہ واری تے ہرفک و بلوچستان نا آجوئی و کوزہ گیر فوج آتا تیبہ پیشتمنگ اسکان تینا جلہو تے برجا تخو۔
