زورئٹ بیگواہی و بےقانودی ئٹ خلّنگ نا برخلاف وائس فار بلوچ مسنگ پرسنز نا بین برانز گدان ئے اینو 5733 دے مس۔
بلوچستان نیشنل پارٹی (بی این پی) نا مرکزی کونسلر غلام رسول مینگل، منظور احمد بلوچ و نیاڑیک گدان آ بسّر زورئٹ بیگواہ کننگوک آتا خاہوت آتون اواری نا درشانی کریر۔
بروکاک زورئٹ بیگواہی تہ ریاستی منصوبہ آ تنقید کرسہ پاریر کہ بلوچستان نا ہر شار و خلق ئٹی زورئٹ بیگواہ کننگوک آتا خاہوت آک برانز کننگ ءُ۔ بلوچستان نا مخلوق تینا بنیاتی حق آتیکن نا بلکہ تینا بندغاتا آجوئی کن برانز کننگءُ۔
وی بی ایم پی نا وائس چیئرمین ماما قدیر بلوچ تران کرسہ پارے کہ بلوچستان ئٹی زوراکی ئٹ بیگواہی تا چرجوئی نا بنا 2002 آن مسّنے ہرا اینو ہم ترندی ئٹ برجاءِ۔ تُو تیٹی ہزار آتا کچ ئٹ بلوچ آتے زوراکی ئٹ بیگواہ کننگا و اوفتا جون تے بٹنگ ءُ۔ زوراکی ئٹ بیگواہی تا برخلاف بلوچ راج ئے ہر تیبری آ توار بڑز کروئیءِ۔
