بلوچستان نا ضلع کیچ ئٹی سلاہ بند بندغ آک سُمکاری کرسا 17 سالی ءُ ورناس کھسفیر۔
بیران مروک ورنا عبدالقادر نا مار معراج نا پِن ئٹ چائنگ مسنے۔
سُمکاری نا تُدینی ضلع کیچ ئنا علاقہ گومازی شنگن نا ہند آ مس۔
سُمکاری ٹی پن کروک ورنا ٹپی مسس، اسپتال آ دننگ نا وختا او کسر ئٹ ساہ تِس۔
جہی حوال تروک ئسے نا رِد ئٹ سمکاری کروک بندغ آتا تعلقداری سرکاری مُخ تف ٹولی ڈیتھ اسکواڈ آن مسنے۔
یات مرے کہ تیبہ بلوچستان ئٹی پاکستانی لشکر نا کُنڈ آن سلاہ بند ٹولی اڈ تننگانے ہرا ڈیتھ اسکواڈ نا پن ئٹ چاننگرہ۔
راج دوست آتا رِد ئٹ دا ٹولی جہی بندغ آتا بیگواہی و کھسفنگ آن بیدس چاگڑدی گندئی تیٹ اوار ءُ و پاکستانی لشکر دافتہ پھاش دا گندئی تا موکل تِسنے۔
