بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارے کہ سرمچارک پانزدہ فروری نا نن شش بجہ غا کیچ ئنا علاقہ مند ئٹی ‘دریا چم متسنگ’ و ‘سہریں کوہ’ ئنا نیام ئٹ کوزہ گیر پاکستانی لشکر نا چوکی آ بھلا سِلاہ تیٹ ترندو جلہو کریر ہرانا سوَب آن یانزدہ فوجی کارندہ مرگ ئنا گواچی مسر و سرمچارک تیبہ چوکی آ کوزہ کرسہ فوجی کارندہ غا تا سِلاہ و ایلو جنگی مڈی تہ ہفیر۔
او پارے کہ سرمچار آتا اسہ پین ٹولی ئس چوکی نا فوجی تا کمک کن بروکا کاروان آ جلہو کرے ہراٹی یانزدہ گاڈی اوار اسر۔ چھل منٹ ئنا زوراک آ جلہو ئٹی پین شش فوجی کارندہ کھسکُر۔ سرمچارک جلہو آتیٹ اِرا سرویلنس کیمرہ و اسہ ڈرون کیمرہ ئس خلسہ بُھس کریر۔
گوہرام بلوچ نا پاننگ اس کہ دا جلہو نا تیبہ ویڈیو زوت بی ایل ایف نا میڈیا ونگ ‘آشوب’ نا پارہ غان شنگ کننگو۔
او ایسر ئٹ پارے کہ بی ایل ایف دا جلہو تا زمہ واری ئے ہرفک و کوزہ گیر لشکر نا پیشتمنگ اسکان اندن زوراک آ جلہوک ننا برجاء مرور۔
