بلوچستان نا دریابی شار گوادر نا تحصیل پسنی آن زوراکی ئٹ بیگواہ کننگوک ورنا مقبول انور نا بیگواہی نا برخلاف خاہوت نا برانز برجاء ءِ۔
زیمی مروک خاہوت پسنی زیرو پوائنٹ آ تولوک برانز کرِسہ کراچی آ ہنوک کسر ءِ بند کرے، ہراڑان مکران آن کراچی آ ہنوک کسر تیبہ بند مس۔
دا وخت آ پاکستانی سکیورٹی لشکر برانزی تیا بیدادی کرِسا برانز ئے توننگ نا کوشست کرے۔
برانز ئٹ تُد نیاڑی تیا ہم بیدادی کننگا ولے اوفک زوراکی نا بیگواہی تا برخلاف برانز ءِ برجاء تخار۔
برانزی تا پاننگ ءِ کہ اوفک تینا بیگواہ غا بندغ آتا آجوئی کن جہی بست و بند تون حوال کریر ولے ہچو گھامگیج مننگ کتو۔
اوفتا پاننگ ءِ کہ ہراتم اسکان اوفتا چناک آجو متنو، اوفتا برانز برجاء مرو۔
