بلوچستان لبریشن فرنٹ نا ترجمان میجر گہرام بلوچ میڈیا غا شنگ کروک تینا بیان ئٹی پارینے کہ سرمچارک بولان، خاران، کوئٹہ، آواران و پروم ئٹی نہہ جتا سرسوب کاروائی کریر، ہرافتیٹ دشمن لشکر آ جلہو، لیویز نا سلاہ تہ پھلنگ و کسر تہ تفنگ اوار ءُ، کسر تہ تفنگ نا وختس ریاستی کارندہ ناصر ولد حسین ئے دزگیر کننگا۔
او پارے کہ بولان ئٹی ریاستی کارندہ ناصر و اونا سنگت آتا سفر نا خبر رسینگ آ سرمچارک سبی ئہ کوئٹہ کسر آ پیر غائب و بی بی نانی نا جہہ آ کسر آ شش گھنٹہ اِسکان کسر تہ تفیر و ریاستی کمکار ناصر ئے دزگیر کریر، و اونا سنگتاک نَرنگ ئٹ سرسوب مسُر۔ ناصر آن سرسوج برجاء ءِ ہرادے زوت انصاف نا تلہ غا ہتنگ مرو۔
اونا پاننگ اس کہ ہموتم سرمچارک پیر غائب کراس آ ساڑی کوزہ گیر نا چوکی ئے راکٹ لانچر و پوسکُنا سلاہ تیٹ ٹک کریر ہرانا سوب آن اِرا کارندہ مرگ ئنا گواچی و کیہیک ٹپی مسُر۔
او ودیک پارے کہ اَسہ پین جلہو ئسیٹی سرمچارک بی بی نانی نا جہہ آ ساڑی کوزہ گیر لشکر نا چیک پوسٹ آ راکٹ لانچر و پوسکُنا سلاہ تیٹ جلہو کریر، ہراڑان اِرا کارندہ ہمو جہہ آ مرگ ئنا گواچی مسر و اَسٹ ٹپی مس۔
ترجمان پارے کہ اسہ پین جلہو ئسیٹی درے نن، آواران نا جہہ بزداد ئٹی سرمچارک لیویز چیک پوسٹ آ جلہو کرسہ اوڑے ساڑی کل سلاہ و اِیلو مڈی تہ دوئی کریر۔ واہم لیویز کارندہ غاتہ بلوچ مَننگ نا سوب آن نسخان تتور۔
اندن اونا پاننگ اس کہ درے نن 8:30 بجہ غا، سرمچارک کوئٹہ نا سبی روڈ آ پولیس ٹریننگ کالج نا گیٹ آ ساڑی کارندہ غا تیا چغلی بمب جلہو ئس کریر۔ ہرا نا سوب آن ارا کارندہ ٹپی مسر۔
میجر گہرام بلوچ پارے کہ سرمچارک خاران شار ئٹی کوزہ گیر پاکستانی لشکر نا بنجائی کیمپ آ کیہی راکٹ خسار، ہرا کیمپ ئنا تہٹی تمار۔ دا جلہو ئٹ اسہ کارندہ ئس مرگ ئنا گواچی و مسٹ ٹپی مسر۔
اونا پاننگ اس کہ سرمچارک درے نن 10 بجہ غا، پنجگور نا علاقہ پروم ئٹی دِز لیویز چیک پوسٹ آ جلہو کرسا اوڑے ساڑی غٹ سلاہ و ایلو مڈی تہ دوئی مسر، و لیویز کارندہ غاتہ ہچو نسخان متو۔
اندن او پارے کہ اندا علاقہ ٹی، اسہ پین کارروائی ئسیٹی سرمچارک فوجی چوکی آ خلوک سرویلنس کیمرہ تہ ٹک کرسا تباہ کریر۔
ایسر ئٹ ترجمان پارے کہ بی ایل ایف دا جلہو تا ذمہ واری ئے ہرفک و دا عزم کیک کہ آزاد بلوچستان نا دوئی مننگ اسکان کوزہ گیر لشکر و اونا ماڑی تتون اوار ہر ہمو بندغ ئے ٹک کننگو ہرا بلوچ قومی ٹیوار ئے جشنگ نا کاریم ئے کرے و کوزہ ئے مرغن کننگ ئٹ کوزہ گیر ریاست تون کمک کرے۔
