بلوچستان نا دریابی شہر و ضلع گوادر نا تحصیل پسنی آن پاکستانی لشکر شام ئنا کیہی ورناتے دزگیر کرسا بیگواہ کرینے۔
ہرافتیٹی ساجد ولد صوالی، فیصل ولد صوالی، احمد رضا خان، سلیم رضا خان، نصیب صوالی، مقبول اکرم، زمان ولد پھلان، وسیم پھٹان، وشدل پھٹان و چُنکا علی ہم تُدءُ و ایلوفتا پجار دائسکان مننگ کتنے۔
ہندا ورناتے استو شام ئنا پسنی نا جتا جتا ہند آتیان لشکر اُراتیٹی چھاپہ خلیسہ دزگیر کرے و نادُرست جاگہ آتا درے۔
ہندی حوالءِ کہ ساجد ولد صوالی، فیصل ولد صوالی، احمد رضا خان، سلیم رضا خان، نصیب صوالی، مقبول اکرم و چُنکا علی ئے وارڈ نمبر 6 آن بیگواہ کننگانے و زمان ولد پھلان ئے وارڈ نمبر 1 کلانچی خلک آن و وسیم پھٹان و وشدل پھٹان ئے چکلی آن بیگواہ کننگانے۔
بیگواہ مروکا خاہوت آک بیگواہ مروکا آتا زوت آجوئی کن خواست کریر کہ اوفک بے گناہ اوفتے آجو کننگ مرے۔
ہندی حوال تہ رد ئٹ ورناتے اُراتیان چھاپہ تہ وخت لشکری و ڈکھکوک ادارہ تہ کارندہ تون پولیس ہم تُد اسک ولے اسہ ہم ورناس تھانہ ٹی ساڑی اف۔
ہندن حوالءِ استو شام ئنا پاکستانی لشکر و ڈکھکوک ادارہ تہ کارندہ آک ممکنہ حساب ئٹ 12 بندغ آتے بیگواہ کرینو۔
