بلوچستان نا ضلع کیچ، گوادر و حب آن مسہ بندغ زوراکی ئٹ بیگواہ کننگانو و اسٹ ئس آجو مسنے۔
گوادر نا علاقہ پسنی آن اِستو ننکان پاکستانی لشکر اِرا ورنا زوراکی ئٹ بیگواہ کرینے ہرافتا دائسکان ہچ ڈس اف۔
حوال تا رد ئٹ پسنی نا وارڈ نمبر 6 آن نصیب سوالی و مقبول اکرم ئے اوفتا اُراتیان ہرفسہ بیگواہ کننگانے۔
ایلو پارہ غان بلیدہ نا ہَند سلو ٹی درست مفروکا سلاہ بند بندغ آک اسہ ورنا ئسے توفک نا زور آ ہرفسہ بیگواہ کرینو۔
جمعہ نا نن نہہ بجہ نا وختا اِرا موٹرسائیکل آتیا سوار چھار سلاہ بند بندغ توفک نا زور آ سلو نا جہی ورنا عبدالقیوم نا خن تیا پٹی تفِسہ و دو تہ تفِسہ زوراکی ئٹ تینتو درینو۔ ہراڑان پد اونا ہچو حوال اف۔
داکان بیدس حب چوکی آن بیگواہ کننگوک نوروز اسلام آجو مسنے۔
نوروز اسلام ئے حب آن اونا اُرا غان زوراکی ئٹ بیگواہ کننگانے۔
