بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارینے کہ سرمچارک کیچ ئنا علاقہ گورکوپ ئٹی کوزہ گیر لشکر نا چوکی و بلیدہ میناز ئٹی کسر ئے تفسہ اُلس تون تران کریر۔
او پارے کہ سرمچارک پنچ فروری چھار شمبے نا ویگہ نا شش بجہ نا وختا گورکوپ نا ہند ڈوکی ٹی کوزہ گیر پاکستانی آرمی نا چوکی آ سلوک کارندہ ئے اسنائپر ئٹ ٹک کریر ہراڈان او ہمو جہہ آ مرگ ئنا گواچی مس۔
اونا پاننگ اس کہ جلہو آن پد کوزہ گیر لشکر تینا مون سُمکاری کرے و مارٹر گولہ خلک ولے سرمچار آتا گچینا جنگی حکمت عملی تا سوب آن او تینا جہہ آ سرسلامتی ئٹ سر مسر۔
او ودیک پارے کہ ایلو کاروائی ٹی سرمچارک درو بلیدہ میناز ئٹی کسر ئے تفیر، سرمچارک کیہی ساہت اسکان گشت کریر گشت ئنا وختا سرمچارک اُلس تون اوڑدئی کریر و اوفتتون ہیت کریر۔
ترجمان پارے کہ بی ایل ایف اُلس ئنا تاغت ءِ، اُلس ئنا تاغت آ یخین تخک۔ اُلس ئنا تاغت و حمایت ئٹ کوزہ گیر ریاست ئے بلوچ سرزمین آن مڑو۔ دا کسر تفنگ سرزمین نا جمالیاتی مابت نا دروشم ءِ و سرمچار آتا تاغت ءِ۔
او ایسر ئٹ پارے کہ بلوچستان لبریشن فرنٹ دا ہڑتوما کاروئی تا ذمہ واری ئےارفیک و کوزہ کروک لشکر آ جلہو بلوچستان نا آجوئی ئسکان برجاء کننگ نا عزم ئےکیک۔
