بلوچ یکجہتی کمیٹی نا راہشون ڈاکٹر ماہ رنگ بلوچ پارینے کہ بلوچستان ئٹی ریاستی مخ تف ٹولی ڈیتھ سکواڈ نا کارندہ غاک اِستو خضدار آن عاصمہ پنیئو اسہ بلوچ نیاڑی ئسے اونا اُرا غان زوراکی ئٹ ہرفسہ بیگواہ کرینو۔
اونا پاننگ اس کہ عاصمہ نا خاہوت خضدار ئٹی اِرا ہند آ تولوک برانز کننگ ءِ، ہراڑے اونا لمہ قرآن ہیسنے توسنے۔
ڈاکٹر ماہ رنگ بلوچ پارینے کہ ریاست نا شیف آ کاریم کروکا ڈیتھ سکواڈ بلوچستان ئٹی مخلوق آ زوراکی کننگ ئٹی ءِ۔ فوج و ایجنسی تا کمک ئٹ چلّوکا دا لشکر ہمرو وخت ئس مرے اُرا تیٹ پیہسہ مخلوق آ زوراکی کننگ ئٹی ءِ۔
ڈاکٹر ماہ رنگ بلوچ خضدار نا اُلس آن خواست کرینے کہ او دا زوراکی نا برخلاف توار ہفّر و عاصمہ نا خاہوت نا تولوک برانز ئٹی بشخ ہلسہ اوفتتون اوار سلِر۔
