دشت کلدان نا ہندی معزور بندغ ئس پارے کہ کنا اُرا و خاہوت نا کفالت نا اسٹ انگا سہارہ چُنکا کشتی ء ہرادے پاکستانی کوسٹ گارڈ نسخان تسنے۔
اونا پاننگ ءِ کہ درو کوسٹ گارڈ و دیر ئٹی تعینات ایلو ادارہ غاک کنتون اوار کیہی ہندی بندغ آتا کشتی تہ نسخان تسُر۔
او خواست کرینے کہ اونا کشتی نا نسخان تہ پورو کننگہ تاکہ اونا چُنا تا کفالت مننگ کے۔
ایلو ہندی بندغ آک دا تدینی ئے شیف خلسہ پاریر کہ کوسٹ گارڈ ہندی مچھی ہلوکا تہ دزگیر کرسا اوفتہ مالی نسخان تیک ہرا ناقابل برداشت ءِ۔
ہندی بندغ آک غاو کرینو کہ السی نمائندہ غاک بیرہ اخباری بیان اسکان دا تدینی تہ شیف خلیرہ عملی حساب ئٹ پاکستانی لشکر نا مونا ننا ویل آتہ پاننگ کپسہ ہرانا سوب آن ننا ویل آک زیات مننگ ءُ۔
