بلوچستان نا ضلع خضدار آن سرکاری مخ تف ٹولی نا دو آن اسہ زالبول ئسے نا بیگواہی نا برخلاف برانز برجاء ء۔
جہی حوال تا رد ئٹ درے نن خڑکیکا یک بجہ نا وختا سرکاری مخ تف ٹولی پولیس لائن نا ہند ئٹی اسہ ارا ئسے آ جلہو کرے و چنا نیاڑی تہ بیدادی نا گواچی کرے۔
حوال تروک پارے کہ سلاہ بند بندغ آک اسہ زالبول ئسے بیگواہ کرسا تینتو درینو۔
تدینی نا برخلاف بنجائی کسر آ خاہوت و جہی مخلوق نا برانز برجاء ء ہرا نا سوب آن گاڑی تا ہن ئہ بر بند ء۔
پاننگک کہ پن کروک سلاہ بند ٹولی نا مخ تفی ئے بلوچستان نا مسکوہی وزیر اعلیٰ ثناء اللہ زہری کیک۔
خیال ئٹ مرے کہ تیبہ بلوچستان ئٹی سرکاری مخ تف سلاہ بند ٹولی اڈ تننگانے ہرافتہ لس زبان ئٹ ڈیتھ سکواڈ پاننگک۔ دا ٹولیک سیاسی باسک آتون اوار ایلو مخلوق نا ٹارگٹ کلنگ، برمتہ و منشیات نا کاروبار کن چاننگرہ۔
