حوال تا رد ئٹ نوشکی آن پاکستانی لشکر اِرا ورنا زوراکی ئٹ بیگواہ کرینے۔
جہی حوال تِروک ئسے نا رِد ئٹ پاکستانی لشکر و ڈھکوک اداراہ غاتا کارندہ غاک قازی آباد نا جہی عبدالطیف نا مار شکیل بلوچ و قادر آباد نا جہی نیاز محمد نا مار ریآض ئے اوفتا اُرا تیان زوراکی ئٹ بیگواہ کرینو۔
خاہوت آتا رد ئٹ تومکا تہ 3 جنوری 2025 آ نن ئنا 3 بجہ غا اُرا غان بیگواہ کننگانے۔ تومکا ورناک مزوری کیرہ و تینا خاہوت نا سہارہ غاکو۔
تومکا ورنا تا خاہوت آک سیاسی تنظیم و بندغی حق آتا تنظیم آتیان خواست کرینو کہ اوفتا آجوئی کِن توار بُڑز کیر۔
