بلوچ یکجہتی کمیٹی نا جارکش پارے کہ درے نن گمشاد ہوٹل، تربت ئٹی بلوچ اسکالر اللہ داد بلوچ ئے ریاستی ڈھکوک ادارہ غاتا کارندہ غاک سمکاری کرسا شہید کریر۔ اللہ داد بلوچ نا وڑ خوانوکا ورنا تا خون، بلوچ چاگڑد نا قابل فخر عٹکل تا خون ءِ۔ ریاستی ڈھکوک ادارہ غاک اسہ منظم ڈٹ بندی ئسے نا رد ئٹ اوفتہ ٹک کریر۔
او پارے کہ تربت تون اوار تیبہ مکران ئٹی ہنوکا منہ تو ئٹی کیہی بندغ آتہ بیدس عدالت کھسفنگانے، ہرافتیٹ زوراکی نا بیگواہی تا گواچی بندغ آک ہم اوار اسر۔ بیدس عدالت کھسفنگ بلوچ زنک ایسری نا پالیسی نا بشخ ءِ، ہرانا رد ئٹ بلوچ آتہ چاہنداری کرسا جتا وڑ ئٹ ٹک کننگک۔ دا تدینی تیٹ ودکی بھلو فریشانی ئس ءِ و بلوچستان ئٹی ریاستی زوراکی و بربریت نا ترندی اونا ثبوت ءِ۔
او ودیک پارے کہ نن مکران تون اوار تیبہ بلوچستان ئٹی ہندا بیدس عدالت خون تا برخلاف تربت ئٹی اسہ پریس کانفرنس ئس کرون و تینا بروکا وخت ئنا لائحہ عمل نا پڑو کرون۔
