بلوچ لبریشن آرمی نا ترجمان آزاد بلوچ میڈیا غا شنگ کروک بیان ئسیٹی پارے کہ 04 فروری آ ویگہ نا وختا ننا سرمچارک شال ئنا ہند جیل روڈ آ اسسٹنٹ سپرنٹینڈنٹ جیل قاسم رئیسانی ئے سُمکاری کرسہ کھسفیر۔
او پارے کہ قاسم رئیسانی ڈیتھ اسکواڈ نا پنی آ سروک جمال رئیسانی، فرید رئیسانی و ایلوفتا خاصو بندغ ئس اس۔ او دا پن کروک بندغ اتتون اوار ایلو انٹیلیجنس ادارہ غا تا پاننگ آ شال، مستونگ، کانک و ہیب ئہ کھیب ئنا علاقہ غا تیٹی بلوچ زنک ایسری آن بیدس، زر کن برمتہ (اغواء برائے تعاوان)، بلیک میلنگ، دُزی تون اوار کیہی کاریم تیٹ تد اس۔
جارکش پارے کہ جلہو آن پھاش مریک کہ بی ایل اے ہر مخبر، کارندہ و سہولت کار ئے اونا گڈی ہند آ سر کرو۔
