سرکاری حوال تروک ئسے نا رِد ئٹ جیل روڈ کوئٹہ آ نادرست آ سلاہ بند بندغ آک سُمکاری کرسہ اسٹنٹ سپریٹنڈنٹ جیل قاسم رئیسانی ئے کھسفینو۔
تدینی آن پد جلہو کروکا نرانو اندون پولیس و قانود نافد کروکا ادارہ غا تا کارندہ غاک ہند ئے گھیرہ کرسہ سلاہ بند بندغ آتہ پٹنگ بِناء کرینو۔ دا وختا اسکان ھچو دزگیری متنے۔
ایلو پارہ غان ضلع کیچ ئنا بھلا شار تُربَت ئٹی نادرست آ سلاہ بند بندغ آتا سُمکاری آن اسہ بندغ ئس بیران مس۔
پولیس نا رِدئٹ تدینی گمشاد ہوٹل آ مس ہراڑے خفتن نا نماز آن پد جلہو کروک آک سُمکاری کرسہ عبدالواحد نا مار اللہ داد ئے خلکنو ہرا سنگانی سر ئنا تولوک ئس مسنے۔
پولیس پارے کہ تدینی نا سر ئہ سوج ئے بِنا کننگانے۔ اندن ڈوہدارک نرنگ ئٹ سرسوب مسنو۔ خون ئنا سوب دائسکان سما تمتنے۔
