بلوچ اسٹوڈنٹس ایکشن کمیٹی نا بُنجائی ترجمان میڈیا غا شنگ کروک تینا اسہ بیان ئسیٹی پارینے کہ تنظیم نا کُنڈ آن بلوچستان ئٹی کتاب کاروان نا کتاب مچی تِہ پولیس و ضلعی انتظامیہ نا کُنڈ آن وار وار بیم ئنا گواچی کننگ اسَہ وڑ برجاء ءِ۔
او پارے کہ بلوچستان نا شار حب ئٹی کتاب خلنگ کِن ضلعی انتظامیہ و ڈپٹی کمشنر آن درخواست جمع کننگ آن پد این او سی ہلنگاسس۔ ڈپٹی کمشنر آن این او سی ہلِسہ قانودی اجازت تننگ آن پد ہم حب ئنا جتا جاگہ غا تیٹی کتاب مچی اڈ تننگا، ہراڑے ننا سنگت آتیا بے بنداو ءُ کیس خلسہ ایف آئی آر کننگ مس ہرا نہ بیرہ ڈیہی قانود نا برخلاف ءُ بلکہ بھاز افسوس و مایوس کروکو کاریم ءُ۔
ترجمان پارے کہ کتاب مچی اڈ ترسہ کتاب آتا زریعت ئٹ علم بشخنگ نا سوب ئٹ ایف آئی آر کننگ و پد مان پد بلوچ ورنا تہ خُلیفنگ ہچ وڑ آ قبول اف، دا زوت ئس بند کننگ مرے۔
