بلوچستان لبریشن فرنٹ نا ترجمان میجر گھرام بلوچ میڈیا غا شنگ کروک بیان ئسیٹی پارینے کہ سرمچارک 3 فروری دو شمبے نا سُہب دہ بجہ غا کیچ نا علاقہ ہیرونک سی پیک کسر آ ریاستی لشکر ئے آئی ای ڈی جلہو ئٹ ٹِک کریر، اسِہ لشکر نا گاڑی ئس بھُس مس ہراٹی سوار لشکر نا مُسِہ کارندہ مرگ ئنا گواچی مسر، گاڑی ئے نُسخان مس۔
او پارے کہ جلہو آن پد زوت ہندا جاگہ غا ہیلی کاپٹرک بسُر و شیلنگ کریر، 900 میٹر نا مرُی آ لشکر نا ساڑی چوکی آ سرمچارک سُم کاری کریر، جنگی حکمت عملی تا ماہر سرمچارک سر سوبی ئٹ اوکان پیشتمار و تینا کیمپ آتِہ سر مسُر۔
ترجمان پارے کہ بی ایل ایف نا منظم کاروائیک شار و مشتیٹی جوانو وڑ ئسیٹ برجاء ءُ ہرا تنظیم نا جواننگا حکمت عملی تِہ شان ایترہ۔
میجر گہرام بلوچ پارے کہ بی ایل ایف دا جلہو نا زمہ واری ئے ارفک و ہندا عزم ئے کیک کہ بلوچستان آن کوزہ گیر لشکر نا پیش تمنگ ئسکان کوزہ گیر لشکر و اونا ڈٹ بندی تِہ ٹک کننگ مرو۔
اندن بلوچ لبریشن آرمی نا ترجمان جیئند بلوچ میڈیا غا شنگ کروک تینا درشان ئسیٹی پارے کہ بی ایل اے نا سرمچارک اینو کیچ ئنا علاقہ ہیرونک ئٹی سی پیک روٹ آ کوزہ گیر پاکستانی لشکر ئے اسہ جلہو ئسیٹی ٹک کریر۔
او پارے کہ سرمچارک ہیرونک ئٹی گزین کور نا جہہ آ کوزہ گیر پاکستانی لشکر نا کاروان تہ رکھوکا کارندہ غا تیا سنگر ہلسہ جلہو کریر، جلہو ئٹ دشمن کارندہ ئس جہہ آ مرگ ئنا گواچی و ارٹ ٹپی مسر۔
ترجمان پارے کہ بلوچ لبریشن آرمی دا جلہو نا ذمہ واری ئے ہرفک۔
