بلوچ یکجہتی کمیٹی نا راہشون ڈاکٹر ماہ رنگ بلوچ پارے کہ بلوچ راجی مُچی آن پد دالبندین نا مخلوق آ زوراکی کننگ ریاست نا باء تننگ ئے پھاش کیک۔
او پارے کہ بلوچ راجی مُچی ٹی ہزار آ بندغ آک بشخ ہلکر و دا مُچی تیبہ ایمنی ئٹ مس۔ دا مُچی ئے توننگ و بےسوب کننگ کن ریاست نا غُٹ چم آک بےسوب مسّر۔ داسا ریاست، مُچی آن پد دالبندین نا مخلوق آ زوراکی کننگ ئٹی ء، مخلوق ئے دڑکو تننگ ئٹی ء، ہندن اسہ بلوچ ڈیور ئس ہم دزگیر کننگانے۔
ڈاکٹر ماہ رنگ بلوچ نا مُستی پاننگ اس کہ ریاست دا پُہہ مننگ ئٹی اف کہ بلوچ اُلس خُلیس و ہنڑز آن پیشتمانے۔ دا وڑ ئنا چم آتان بلوچ اُلس تینا حق آتا جہد آن دُو ہفّوف۔ اگہ دالبندین ئٹی مخلوک ئے تنک کننگ بند متو تو نن دا نا برخلاف بش مرون و برانز کرون۔
