کیچ: اِستو پاکستانی لشکر نا اڈ تروک ڈیتھ اسکواڈ نا کارندغاک کونشکلات ئٹی بلوچی آشوبی شعر پاروک استاد منہاج مختار نا اُراغا جلہو کریر۔
جہی حوال تروک تہ رِد ئٹ اِستو نن ئنا یک بجہ غا پاکستانی لشکر و ڈیتھ اسکواڈ نا کارندہ آک پنچ لاری و موٹرسائیکل آتیا بسنو اراٹی پیہانو،سُم کاری کرسا ارانا دروازہ و کھڑکی تِہ نُسخان تِسونو، دیوال تا چغلی بمب خسانو۔ اُرا والا تِہ مُسِہ چار گھنٹہ اسکان لٹ و کُٹ کرسا خُلیفینو۔
یات مرے کہ دا اولی تدینی اف کہ پاکستانی لشکر و ڈیتھ اسکواڈ نا کارندہ آک منہاج مختار نا اُراغا جلہو کرینو مُست ہم کیہی وار اُراتا جلہو کرسا اراتے ہُشانو، اُراتا قیمتی آ گڑاتے درینو۔
ہنوکا سال پاکستانی لشکر و ڈیتھ اسکواڈ نا کارندہ آک اُستاد منہاج مختار نا اُراغا مُسِہ چار وار جلہو کرینو سُم کاری کرسا اُراتے نُسخان تِسونو۔ اُرا والا تِہ لٹ و کُٹ کرسا قیمتی آ گڑاتے درینو۔
