ورنا نا زوراکی ئٹ بیگواہی نا برخلاف آ خاہوت و ہندی اُلس برانز کریر، آجو کننگ نا خواست کریر ۔
بلوچستان نا ضلع خضدار آن رسینگوکا حوال تا رِد ئٹ ،سلاہ بند بندغ آک پانزدہ سالی ءُ ورناس ئے بیگواہ کریر۔ ارا احمد نا مار انس سکنہ گذگی خضدار نا پن ئٹ چائنگ مس۔
تدینی نا برخلاف خاہوت او ہندی اُلس گذگی نا خُڑک آ کوئٹہ کراچی نا بھلا کسر آ برانز کریسہ ٹریفک کن بند کریر ۔
بلوچ یکجہٹی کمیٹی خضدار نا رِد ئٹ چنک سالی ورنا نا برمتہ کروک آ پاکستانی ڈھکوک ادارہ تہ کارندہ آک مسونو ہرافتون سلاہ ہم مسونے ۔ ورنائے زوراکی ئٹ تینتون اوار درینو اوکان پد بیگواہ ئے ۔
بلوچ یکجہتی کمیٹی خضدار نا ہندی تیان خواست کریر کہ او انس نا خاہوت تون برانز ئٹ اوار مریسہ اونا آجوئی کن توار بُڑز کیر ۔
خاہوت پِڑو کرے کہ اگہ انس زوت آجو متو گُڑا ننا برانز مُستی تُرند مرو ۔
