ہندی حوالکار تا رد ئٹ سیکیورٹی لشکر نا کھئوکا کارندہ غا تا خاہوت آک اوفتا کھئینگ ئے پک کیرہ۔
اندن شار ئٹ ریاستی کارندہ غا تا کنڈ آن گشت ئٹ ودکی خننگ مسنے۔
یاتی مرے کہ برجاء تو ئٹی پاکستانی لشکر آ جلہو تیٹ ودکی خننگ مسنے ہرافتیٹ پاکستانی لشکر ئے بھلو نسخان تتون مون تروئی تمانے، ہرافتا زمہ واری تہ بلوچ سلاہ بند تنظیم آک ہریفینو۔ واہم دائسکان ہچو تنظیم ئس دا جلہو تا زمہ واری ئے ہرفتنے۔
ایلو پارہ غان پاکستانی لشکر کھن زنگی ٹی اُرا سے آ چھاپہ خلکنے و فرمان علی پنیئو بندغ ئسے دزگیر کرسا بیگواہ کرینے۔
حوال تا رد ئٹ فرمان علی ولد پزیر احمد کھن زنگی نا ہندی سے ہرادے استو یانزدہ بجہ غا بیگواہ کننگانے و دائسکان اونا ہچ ڈس اف۔ لشکر چھاپہ خلنگ نا وختا اُرا نا ایلو بندغ آتون زوراکی کرینے۔
