بلوچستان نا دریابی شار پسنی ببر شور ئٹ کوسٹ گارڈ آتا بنجائی کیمپ آن پیشن تولوک کارندہ تیا شام ئنا ہشت بجہ نا وختا سلاہ بند بندغ آک جلہو کریر۔
ہندی حوالکار تا رد ئٹ سیکیورٹی لشکر نا کھئوکا کارندہ غا تا خاہوت آک اوفتا کھئینگ ئے پک کیرہ۔
اندن شار ئٹ ریاستی کارندہ غا تا کنڈ آن گشت ئٹ ودکی خننگ مسنے۔
یاتی مرے کہ برجاء تو ئٹی پاکستانی لشکر آ جلہو تیٹ ودکی خننگ مسنے ہرافتیٹ پاکستانی لشکر ئے بھلو نسخان تتون مون تروئی تمانے، ہرافتا زمہ واری تہ بلوچ سلاہ بند تنظیم آک ہریفینو۔ واہم دائسکان ہچو تنظیم ئس دا جلہو تا زمہ واری ئے ہرفتنے۔
