تحریر: عائشہ اسلم بلوچ
براہوئی مٹ: دیار زیب بلوچ
سمو ئے امر درشان کیو؟ انت نوشتہ کیو تینا زیبا و دلیر آ سمو نا بارو ئٹی؟ ہرا وخت ای اولی وار سمو ئے خناٹ تو او اسہ گچین و چپ مزاج، خوش اخلاق، مہر و مابت کروکو مسڑ ئس اسک۔ اسل دن گمان کتویسٹ کہ سمو کنا کل آن گچینا سنگت مرو و ننا دا سنگتی یانزدہ سال نا سفر ئس مرو۔ پاننگ کن تو دا بیرہ یانزدہ سال اسر ولے داسہ کنے اندن لگک کہ دا بھاز کم وخت اسر ہرا سمو تون اوار تدینگار، داسہ اندن لگک دنکہ دا منہ دے اسُر سمو تون اوار۔
سمو نا ہمو مخننگ، اونا ہمو ہنینا ہیت آک, ہمو مسخرہ غاک، کنے تنگ کننگ، مچا شام سماء و سہب اسکان مجلس کننگ۔ سمو کنا زند ئنا زیباؤ و اہمو گوشہ ئس ءِ۔ پرفکر و نظریاتی آ سیالیک غٹ آن اہمو مریرہ۔ وخت تدینگسہ ہنا و سمو تون اوار دا سیالی پین کڑمب مرسہ ہنا۔ سمو ہر گڑا ئے بھاز کڑمبی ٹی ارسہ کریکہ، اونا سوچ، اونا نظریہ اندُن بسن اسک کہ اونا اندازہ اونا ہیت آتیان مسکہ۔
ہرا تم ریحان جان شہید مس ای ہچ پہہ مننگ الوٹہ کہ سمو تون امر ہیت کیو، سماء اف او انت حال ئٹ مرو، ولے سمو کنے ہبکہ کرے دن پارے کہ کنے اسل افسوز اف، ای تو خوش اٹ کہ کنے ریحان نا وڑو ہمراہ ئس ملا، ریحان تو تینا راجی فرض ئے ادا کرے ہرا ننا کل آن مست اس۔
سمو ای پاوہ ریحان جان ہم خوش قسمت ئس اسکہ کہ اودے نی دوئی مسس، نم ہڑتوماک اسہ رشتہ ئسے آ خلّوک اُرے، زند ئنا اسہ پوسکنو سفر ئس برجاء کرے ولے ہراتم ہیت سرزمین آ بس تو نم ہڑتوماک تینا فرض ئے ادا کریرے، سرزمین آن زیات ہچ ئس اف۔ داہیت ئے بلوچ شہید آک تینا عمل ئٹ نشان تسر۔
سمو اسل پد سلتو او ہر وڑ ئنا حالیت آتون مون تس و تینا کاروائی کن پنچ سال اسکان ودار کرے۔ شاہد دا کسر نا گچین کروک آتیکن انتظار غٹ آن بھلا ڈکھیا آ عمل مریک، آخر کار او دا مسخت ئٹی سرسوب مس و ساندہ سرخرو مس۔
سمو تینا ڈیہہ ئنا دڑد ئے بھاز گڑمبی ئٹ مارِنگ کرے اودے غلامی آن بھاز نفرت اسکہ و دژمن ئے اندنو سبخ ئس تننگ خواہسکہ کہ دژمن اسل ہم گیرام کپ و سمو اندن کرے۔ دژمن ہم فریشان ءِ کہ بلوچ تینا آجوئی کن ہرا حد اسکان ہننگ کیک و بروکا وخت آ دا جنگ ئنا ترندی انت مرو؟
دا ننا ایمان ءِ کہ سمو و بلوچستان نا ایلو شہید آتا قربانیک اسہ دے المّی رنگ اتور، بس ننے سرپند مروئی تمک کہ دا عظیم آ مسخت و آجوئی کن ننے تینا زاتی زند آن پیشتموئی تمو و راجی فرض ئکن پام تروئی تمو۔ گڑا نن سر سوب مرون و تینا بروکا زنک ئے اسہ آجو و خوشحالو زند ئس تننگ کرون۔
سمو ہمو کتاب ءِ ہرادے غٹ خواننگ ءِ و بلوچ راج ئنا بروک آ زنک کن دا کتاب اسہ رژناو کسر ئس جوڑ مرو بلکن دا کتاب آن جہاں نا تیبہ مظلوم آ راج آک سرسوب مرور۔
