بلوچستان لبریشن فرنٹ نا جارکش میجر گہرام بلوچ میڈیا ٹی شنگ کروک تینا درشان ئٹی پارینے کہ سرمچارک 26 جنوری یک شمبے نا دے شام ئنا پنچ بجہ غا تربت ایم ایٹ کسر آ جوسک نا جہہ آ روڑ آتہ بند کرسہ گوادر و تربت آن کوئٹہ غا ہنوکا گاڑی تا اسنیپ چیکنگ کریر و اندا وختا سرکاری کمپنی نا سلاہ بند گارڈ آتہ دزگیر کرسہ اوفتا سلاہ تہ دوئی کریر۔
جارکش پارے کہ سرمچارک ایم ایٹ کسر آ چیکنگ گوادر آن تربت آ ہنوکا بس آن پاکستانی ڈھکوک ادارہ ملٹری انٹیلیجنس نا کارندہ محمد شریف ولد نور محمد ئے بس آن دہڑفیر اودے سمکاری کرسہ خلکر۔ ہندا بندغ نا چاہنداری اوڑان خننگوک سرکاری دستاویز و سروس کارڈ آن مس۔
جارکش پارے کہ گوادر و تربت آ ہنوکا دا اہم و حساس کسر ء ہرادے سرمچارک گھنٹہ تیسکان بند کرسہ اسنیپ چیکنگ نا عمل ئے برجاء تخار و ڈھکوک ادارہ غا تا کارندہ ئے خلکر۔
بی ایل ایف نا جارکش میجر گہرام بلوچ پارے بلوچستان لبریشن فرنٹ اسنیپ چیکنگ نا وختا ڈھکوک ادارہ نا کارندہ ئے خلنگ، و سیکیورٹی کمپنی نا گارڈ نا سلاہ تہ دوئی کننگ نا زمہ واری ئے ہرفک و دا عزم ئے بھیرو کیک کہ بلوچستان بلوچ آ تا سرزمین ء و بلوچ وطن نا فرزند آزاد بلوچستان نا مسخت ئے دوئی کننگ کن ہچ وڑ ئنا قربانی آن پدی مروفس۔
