واشنگٹن: بلوچ نیشنل موومنٹ (بی این ایم) امریکہ ٹی پوسکنو چیپٹر ئس جوڑ کرے ہراٹی مسہ یونٹ اوار ءُ۔ زوت چیپٹر نا کابینہ گچین کننگو۔ دا حوالہ ئٹ مجلس ئٹی بی این ایم نا بنجاہی کونسلر نبی بخش بلوچ نا صدارت ئٹی دے ٹکی ہنکین، دے کہی ہنکین و نیامیکو ہنکین ئٹی یونٹ جوڑ کننگا۔
مجلس ئٹی تیبہ امریکہ آن بی این ایم نا باسک آک اوار مسر ہراٹی میر دوست بلوچ و سمیع بلوچ اوار اسر۔
دے ٹکی ہنکین نا یونٹ کِن اسلم بلوچ سیکریٹری و عبدالرحیم بلوچ ڈپٹی سیکریٹری گچین کننگا، دے کہی ہنکین نا یونٹ کِن میردوست عیسی سیکریٹری و عنایت بلوچ ڈپٹی سیکریٹری گچین کننگار و نیامیکو
(سینٹرل) ہنکین نا یونٹ کِن ظفر اقبال سیکریٹری و فضل بلوچ ڈپٹی سیکریٹری گچین کننگار۔
جنرل باڈی نا مجلس بروکا تُو ئٹی مرو ہراٹی چیپٹر نا عغدہ دار آک گچین کننگور۔ پوسکن انگا عغدہ دار آتہ سوغند تننگو۔
