دالبندین راجی مُچی بلوچ زنک ایسری پالیسی تا برخلاف راجی ریفرنڈم اس۔ بی وائے سی

بلوچ یکجہتی کمیٹی نا پارہ غان بلوچ زنک ایسری نا یاتگاری دے آ دالبندین ئٹی راجی مُچی سرسوبی ئٹ ایسر مس۔ دا مُچی ٹی رخشان تون اوار تیبہ بلوچستان آن  ہزار آ بندغ آک اوار مسر۔

راجی مُچی ٹی بلوچ یکجہتی کمیٹی نا راہشون و بنجاہی آرگنائزر ڈاکٹر ماہ رنگ بلوچ، صبغت اللہ شاہ جی، ڈاکٹر صبیحہ، لالا وہاب، سمی دین و ایلوفک ہیت کریر۔

بلوچ راجی مُچی  بلوچی راجی باگل ئٹ بناء مس۔ مچی ٹی بلوچستان نا جتا ہند آتیٹ بلوچ زنک ایسری نا بارو ئٹ تیدریک مونی ہتنگار۔

ریاست نا کنڈ آن دا مُچی ئے بے سوب کننگ کن ہنوکا مُسہ دے آن انٹرنیٹ سروس بند کننگاسس۔ اینو سہب ئنا موبائل نیٹورک تون اوار پی ٹی سی ایل سروس ئے ہم بند کرِسہ تیبہ  بلیک آؤٹ کننگاسس۔

داڑان بیدس، تیبہ رخشان ڈویژن ئٹ ہزار آتا کچ ئٹ لشکری کارندہ غاک خواہفنگاسر، ہندن دالبندین و تیبہ چاغی ٹی بندغ آتِہ جتا وڑ تیٹ خُلیس نا گواچی کننگا و تڑی ہم تننگا۔

بی وائی سی نا رد ئٹ کُل چم و مکر بازی تیان پد ہم تیبہ بلوچستان آن کاروان تا بننگ و کیہی ہزار بندغ آتا اوار مننگ ریاست نا بلوچ زنک ایسری پالیسی نا برخلاف بلوچ راجی ریفرینڈم ئس ءِ۔

شونکار

شونکار|زْرمبش براہوئی

شونکار

شونکار|زْرمبش براہوئی

Next Post

بولان ئٹی پاکستانی لشکر نا چوکی و خضدار ئٹی بس آ تراک

اتوار جنوری 26 , 2025
حوال تہ رد ئٹ بولان نا ہند آب گم ئٹی کوئٹہ سبی کسر آ برجاء انگا چوکی ئے سلاہ بند بندغ آک استو بھلا سلاہ تیٹ نشانہ کریر۔ ہندن حوالءِ کہ جلہو نیم گھنٹہ اسکان برجاء مسونے ہندن گمانءِ کہ جلہو ئٹی لشکرئے جانی و مالی نسخان ہرفوئی تمانے۔ ایلو […]

دلگوش کرز

زرمبش براہوئی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس