بلوچستان لبریشن فرنٹ نا جارکش میجر گہرام بلوچ میڈیا ٹی شنگ کروک تینا درشان ئٹی پارینے کہ سرمچارک 24 جنوری نا نن 9:50 آ کوئٹہ نا جہہ تیرہ مل آ ساڑی کوزہ گیر پاکستانی لشکر نا پوسٹ آ چغلی بمب ئٹ جلہو کریر۔ چغلی بمب چیک پوسٹ نا تہٹی تمنگ نا سوب آن دژمن نا مسہ کارندہ ٹپی مسر۔
جارکش پارے کہ سرمچار آتا وار وار ئنا شار تیٹ جلہو نا سوب آن دژمن نا کسر تنک مسنے۔ کوئٹہ کون آ شار ئٹ ہراڑے ہر جاگہ غا کیمرہ خلوک ءِ ولے سرمچارک تینے کیمرہ آن بچفیسہ جلہو کننگ ءُ۔ دا اوفتا گوریلا جنگی حکمت عملی تا سرسوبی ء۔
او ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک و سرزمین نا آجوئی اسکان جلہو تِہ برجاء تخنگ نا عزم ئے بھیرو کیک۔
