بلوچستان نا ضلع کیچ آن پاکستانی لشکر 65 سالی کماشو بندغ ئس اِرا چُنا تون اوار دزگیر کننگ آن گڈ بیگواہ کرینے۔
کماش آ بندغ نا چاہنداری 65 سالی کُھریا عبدالکریم نا پن ئٹ مسنے ہراڑتو اِرا چُنا اوار ءُ۔
پن کروک بندغ ئے بلیدہ نا علاقہ آن 21 جنوری آ پاکستانی لشکر دزگیر کننگ آن گڈ نادرستو جہہ ئسے آ درینے۔
خاہوت نا پاننگ ءِ کہ عبدالکریم خن تا نزوری آن بیدس ہم تینا بیوسی نا سوب آن کُھر خوافیکہ۔
اوفتا پاننگ ءِ کہ دزگیری آن گڈ اونا ہچ ڈس ئہ پت اف۔ او حکومتی کوالخواہ تیان دمدستی نوٹس ہلنگ و اونا آجوئی نا خواست کرینو۔ او حکومتی ادارہ غا تیان انصاف نا خواست کننگ ءُ۔
