بلوچ نیشنل موومنٹ نا چیئرمین ڈاکٹر نسیم بلوچ تینا اسہ درشان ئسیٹی پارے کہ پاکستانی حکومت بلوچستان نا علاقہ دالبندین ئٹی انٹرنیٹ سروس ئے بند کرینے۔ دا بلوچ راجی توار ئے توننگ نا اسہ چم ئس ءِ، پاکستان ننا ورنا تِہ خلنگ، زوراکی ئٹ بیگواہ کننگ ءِ۔ اوفتِہ بے قانودی و بےتوار دزگیر جاہ تیٹی بندی کننگ ءِ۔
او پارے کہ داکان بیدس او ننے اوار مرسا مودہ کننگ و ہوغنگ نا بنداوی حق آن ہم تورک۔ ننے ایمنی ئٹ مُچ مننگ و تینا دڑد و غم تا درشانی نا بنداوی حق ہم اف؟
ڈاکٹر نسیم بلوچ پارے کہ دالبندین ئٹی بھلو کچ ئسیٹی لشکری کارندہ غا تہ مُچ کننگ بلوچ یکجہی کمیٹی نا پارہ غان اڈ ہلوکا پرایمن مُچی آ اسہ پین کریک ڈاؤن ئسے نا خلیس ئے پھاش کیک۔ داڑان 28 جولائی نا گوادر تدینی ئے بھیرو کننگ نا خلیس ارے، ہراڑے مُچی نا وخت چھار بلوچ شہید کننگاسس۔
چئیرمین ڈاکٹر نسیم جہانی مخلوق آ زور ترسا پارے کہ او بلوچ الس ئنا برخلاف بیدادی ئے توننگ و پرایمن برانز ئنا وخت اوفتا رکھ ئے یخینی کننگ کن زوت مداخلت کیر۔
