حوال تا رد ئٹ پاکستانی لشکر و ڈھکوک ایجنسی تا دو آن پنجگور آن مُسہ بندغ و مشکے آن اِرا بندغ زوراکی ئٹ بیگواہ کننگانو۔
پنجگور ئٹ کوزہ گیر پاکستانی لشکر نا ڈھکوک ادارہ غا تا کارندہ غاک مُسہ بندغ دزگیر کننگ آن گڈ بیگواہ کرینو ہرا یاسین نا مار یاسر، ولی محمد نا مار حیات و عبدالخالق نا مار جلیل نا پن ئٹ درست مسنو۔
حوال تروکا تا رد ئٹ پن کروک بندغ آتِہ 19 جنوری 2025 آ سہب ئنا پنچ بجہ غا اوفتا اُراغان بیگواہ کننگانے۔
بیگواہ کننگوک یاسر و حیات مجبور آباد بونستان نا جہی ءُ و جلیل پنجگور ایسائی نا جہی ئس ءِ۔
ایلو کنڈ آن آواران نا علاقہ مشکے آن پاکستانی لشکر اِرا بندغ دزگیر کننگ آن بیگواہ کرینے ہرا ختر محمد و گریبو نا پن تیٹ درست مسنو۔
حوال تروکا تا پاننگ ءِ کہ ہڑتُما تِہ پنچ دے مُست بیگواہ کننگانے۔
بیگواہ کننگوک اختر مشکے نا جہہ تنک زاہد آباد و گریبو تراتدان نا جہی ئس ءِ۔
