بی وائی سی نا پارہ غان 25 جنوری آ دالبندین ئٹ بلوچ زنک کشی نا یاتگاری دے اڈ تننگ نا پڑو مسنے، ہرا نا تیاری تا رد ئٹ تیوہ بلوچستان ئٹی چائندئی مہم برجاء ءِ۔
دا رد ئٹ بی وائی سی نا بنجائی آرگنائزر ڈاکٹر ماہ رنگ بلوچ تون اوار ڈاکٹر صبیحہ، سمی دین بلوچ، شاہ جی صبغت اللہ و ایلو کراچی تون اوار تیبہ بلوچستان نا علاقہ غا تا دورہ کننگ ءُ۔
بی وائی سی نا راہشون ڈاکٹر ماہ رنگ بلوچ آن گڈ ڈاکٹر صبیحہ و سمی دین بلوچ آ ایف آئی آر کننگانے۔
خاران و نوکنڈی ٹی تدوکا دے تیٹ بلوچ یکجتی کمیٹی نا پارہ غان بلوچ زنک کشی نا یاتگاری دے ئنا رد ئٹ چائندئی تننگ کن جلسہ اڈ تننگاسس، ہراڑا ڈاکٹر صبیحہ بلوچ تون اوار ایلو بندغ آتیا ایف آئی آر کننگانے، ہراٹی اوفتیا غداری نا کیس کننگانے۔
اندن کراچی ملیر ئٹی چائندئی ریلی اڈ تننگ آ سمّی دین و ایلوفتا برخلاف ایف آئی آر کننگانے۔
