ماشکیل: نُہہ سال مُست پاکستانی لشکر نا دو آن زوراکی ئٹ بیگواہ کننگوک وزیر احمد ریکی نا خاہوت بندغی حق آتا ادارہ غا تیان توار بُڑز کننگ نا خواست کرینے۔
خاہوت نا پاننگ ءِ کہ حاجی شفی محمد ریکی نا مار وزیر احمد و اونا بھلا ایلم کبیر احمد ریکی ئے مارچ 2015 غا ننکان سئے بجہ نا وختا اُراغان پاکستانی ڈکھکوک ادارہ غا تا کارندہ غاک بیگواہ کریر۔کبیر احمد ریکی ئے 2019 آ آجو کننگا و وزیر ریکی دائسکان بیگواہ ءِ۔
اوفک پاریر کہ وزیر احمد نا زوراکی ئٹ بیگواہی ئے دہ سال پورو مننگ ءِ دائسکان اونا ہچ حال حوال اف۔ نن تپنہ کہ وزیر امر ءِ و ارانگ ءِ۔
خاہوت پارینے کہ نن بلوچ راج و جہانی بندغی حق آتا ادارہ غا تتون اوار کُل بشخ آتیان سیالی تخوکا بندغ آتیان خواست کینہ کہ وزیر احمد ریکی نا آجوئی کن توار بُڑز کیر۔
