بلوچستان نا ضلع کچھی نا علاقہ ڈھاڈر ئٹی اینو سلاہ بند بندغ آک لیویز فورس نا چوکی ئے کوزہ کریر۔
حوال تا رد ئٹ ڈھاڈر نا علاقہ صبری ٹی سلاہ بند بندغ آک لیویز کارندہ غا تِہ دزگیر کرسہ اوفتا سلاہ و ایلو مڈی تِہ پُھلار و لیویز کارندہ غا تِہ پدان یلہ کریر۔
خیال ئٹ مرے درو تربت سنگانی سر ئٹی ساڑی پولیس چوکی ئے سلاہ بند بندغ آک کوزہ کرسا کارندہ غا تا سلاہ تِہ پُھلار و پدان چوکی ئے ہُشار۔ تربت پولیس چوکی ئے کوزہ کننگ نا ذمہ واری ئے بلوچستان لبریشن فرنٹ ہرفیسس۔
دہ دے مُست بلوچ لبریشن آرمی نا سرمچارک خضدار نا تحصیل زہری نا شار ئے دہ ساعت اسکان کوزہ کریر و لیویز تھانہ، نادرہ نا دفتر، میونپسل کمیٹی و بینک ئے کوزہ کننگ آن گڈ ہُشار۔
اینو ڈھاڈر ئٹ مروک کاروائی نا ذمہ واری ئے دائسکان ہچو تنظیم ئس ہرفتنے۔
