سندھ ئنا علاقہ سیون شریف آن کوئٹہ نا و کراچی آن تربت نا ہندی بندغ ئس و نوشکے آن مُسہ ورنا زوراکی ئٹ بیگواہ کننگانو۔
سیون شریف آن زوراکی ئٹ بیگواہ کننگوک قدرت اللہ نا مار محمد جواد قمبرانی بلوچ نا اِلہ نا مار ئنا پاننگ ءِ کہ او تینا سنگت آتتون سندھ آ سئیل کن ہناسس۔ ہرا وڑ نن یخ انگا علاقہ غا تا بندغ آک چھلہ ٹی کانہ۔
او پارے کہ کنا الہ مار ہم سئیل کن ہِنا ہراڑے 17 جنوری آ ویگہ نا وخت آ سیون شریف دربار آن سادہ پُچ بینوک بندغ آک اودے دزگیر کرِسہ بےڈسو جہہ ئسے آ دریر ہراڑان پد او بیگواہ ءِ۔
او پارے کہ اونا برمتہ نا بارو ئٹ بننگ آن پد نن ڈکھ ئنا گواچی اُن سندھ ئنا حکومت آن خواست کینہ کہ او جواد بلوچ نا آجوئی کن تینا کڑد ئے سر تے۔
ایلو پارہ غان کیچ تمپ ئنا ہندی زبیر ئے پاکستانی لشکر درو سہب ئنا ملیر جام گوٹ آن دزگیر کرِسہ بیگواہ کرینے۔
اندن نوشکے آن عمر خان نا مار آصف بلوچ ئے پاکستانی لشکر 4 جنوری 2025 آ سہب ئنا چار بجہ غا قاضی آباد نوشکے ٹی اوفتا اُرا غان زوراکی ئٹ بیگواہ کرینے۔
