حوال تا رد ئٹ پاکستانی لشکر ہرنائی کانٹا پراگو نا ہند آن اسہ بندغ ئسے دزگیر کرسا بیگواہ کرے۔
بیگواہ کننگوک بندغ نا چائندئی محمد دین مری ولد لال خان مری نا پن ئٹ مسُنے ہرا ہرنائی نا ہندی سے۔
حوال تا رد ئٹ زوراکی ئٹ بیگواہ کننگعک محمد دین مری نا اسہ ایلم ئسے منہ وخت مُست کوزہ گیر پاکستانی لشکر بیگواہ کریسس داسا محمد دین مری ئے پراگُو ہرنائی آن زوراکی ئٹ بیگواہ کننگانے۔
ایلو پارہ غا حوال ءِ کہ بلوچستان نا شار ہرنائی آن کوزہ گیر پاکستانی لشکر نا دو آن پیر ءُ بندغ ئسے اِرا تُو مُست بیگواہ کننگانے ہرا نا چائندئی عطاء اللہ مری نا پن ئٹ مسنے۔
پن کروک بندغ میاں کور پھوڑ ئنا جہی سے۔
حوال تروک آتا رد ئٹ عطاء اللہ مری ئے اِرا تو مُست پاکستانی لشکر بیگواہ کرینے ہرا دائسکان بیگواہ ءِ، اونا بیگواہی نا حوال میڈیا ٹی بتنے۔
عطاء اللہ مری اسہ مالدار ئسے۔
