بلوچ یکجہتی کمیٹی نا پارہ غان نصیرآباد ریجن نا علاقہ ٹیپل ئٹی جلسہ اڈ تننگ آ ڈاکٹر ماہ رنگ بلوچ تون اوار 80 بندغ آ ایف آئی آر کننگانے۔
ایف آئی آر ئٹ پاننگانے کہ جلسہ کروکا بندغ آک حکومت نا اعلامیہ دفعہ 144 نا برخلاف ہنانو۔
خیال ئٹ مرے کہ بلوچ یکجہتی کمیٹی 25 جنوری آ دالبندین ئٹی مروک جلسہ نا تیاری تا رد ئٹ تیبہ بلوچستان ئٹی چائندئی مہم نا بارو ئٹ کارنر میٹنگ اڈ تننگ مننگ ءِ۔
تدوکا دت تیٹ ڈاکٹر ماہ رنگ و ایلو باسک آتیا مستونگ ئٹی ہم ایف آئی آر کننگاسس۔
