سئے شمبے، 02 جنوری 2023 زرمبش براہوئی
پاکستان نا دارلحکومت اسلام آباد ئٹی بلوچ نسل کشی نا برخلاف برجاء انگا برانز ئنا سربراہ ڈاکٹر ماہ رنگ بلوچ چاگڑدی میڈیا ایکس آ پاکستانی وزیراعظم انوار الحق کاکڑ نا نیمہ آن بیگواہ آ بلوچ آتا خاوت آتے دہشتگرد پاننگ آ ردعمل ترسا پارے پاکستان نا وزیر اعظم نا بیگواہ مروکا بندغ آتا خاوت آتے دہشتگرد پاننگ توہین ئسے۔
اونا پاننگ ئس کہ ننا تحریک نا بناء آن ننا خواست آک پاشءُ کہ بلوچستان بندغی حق آتا خلاف ورزی و بلوچ نسل کشی ختم کننگ مرے۔ نن دا خواست آتے میڈیا آن ریاست نا مونا تخان اُن۔
اونا پاننگ ئس کہ پاکستان نا وزیر اعظم نا نیمہ آن زوراکی ئٹ بیگواہی تہ متاثر مروک آتے دہشتگرد پاننگانے، متاثر مروک آ خاوت آتا توہین و پُر ایمن سیاسی باسک آتے تڑی تننگانے۔
نن دا ریاست و حکومت ئے باور کریفینا کہ نن نُما ظلم و زوراکی تے جہان ئے پارسا کرون۔
