بلوچ یکجتی کمیٹی نا پارہ غان 25 جنوری آ دالبندین ئٹی بلوچ زنک کشی یاتگاری دے ئکن تیاریک برجاء ءُ۔
اینو ڈاکٹر صبیحہ بلوچ ڈسٹرکٹ چاغی نا دورہ غا ہنا، چارسر و چہتر ئٹ اوفتِہ بخیر کریر۔
دا وختا ڈاکٹر صبیحہ پارے کہ 25 جنوری آ نن تینا اُرا تیان پیشتمِسہ دالبندین ئٹ مروکا جلسہ ئٹ اسہ تاغت ئسے نا وڑ اوار مرسا دا ثابت کین کہ بلوچ قوم ئے جہان نا ہچو تاغت ئس سیوتی آن توننگ کپک۔
ایلو کنڈ آن بلوچ یکجہتی کمیٹی (لسبیلہ ریجن) نا کنڈ آن اینو چائندئی مہم نا اولیکو ریلی و انفارمیشنل ڈیسک حب ئٹ اڈ تننگا۔
اوار مروکا تون سمی دین بلوچ، ماہ زیب بلوچ و سیماء بلوچ ہیت کرسا اوفتِہ 25 جنوری نا راجی مچی کن تینا کڑد ئے سر تننگ و اوار مننگ نا خواست کریر۔
بی وائی سی نا رد ئٹ دا وختا ریاست نا پارہ غان راہی کروکو اسہ سلاہ بند بندغ ئس دزگیر کننگا، ریاست نا کنڈ آن راہی کروک اوفتا کارندہ ہرا کہ رپورٹنگ کننگ اس اوڑان اسہ پستول ئس و سُم ہم ہلنگا۔
داکان بیدس جتا جاگہ غا تیا چائندئی مہم نا لڑ برجاء ءِ۔ اندا رد ئٹ 18 جنوری 2025 آ میراں ناکہ لیاری نا جہہ آ اسہ چائندئی ریلی ئس و انفارمیشنل ڈیسک اڈ تننگو۔
