بلوچستان لبریشن فرنٹ نا جارکش میجر گہرام بلوچ میڈیا ٹی شنگ کروک درشان ئٹی پارینے کہ سرمچارآک درو شام ئنا دوازدہ بجہ ءُ دہ منٹ آ کیچ ئنا ہند دشت شے زنگی ئٹ کوزہ گیر پاکستانی لشکر نا قافلہ ٹی اوار اسہ لاری سے ریموٹ کنٹرول بمب ئٹ ٹک کریر۔ جلہو ئٹ لشکر نا لاری ئس بھس مس لاری ٹی تولوک افسر ئسیتون اوار کل ہفت کارندہ خلنگار۔
جارکش پارے کہ لشکر نا دا قافلہ ٹی یازدہ لاری اوار اسک ہرا دشت ئنا جتا ہند آ تیٹ کیہی دے تیان لشکری آپریشن و ظلم آن گُڈ بل نگور کیمپ آن تربت نا کنڈا ہننگ اسُر۔ جلہو نا بھیم آن قافلہ ٹی اوار لاری تا لئیٹ آتے بند کریسر ولے تنظیم نا انٹیلیجنس نا حوال آ سرمچارآک کاروائی کریسہ کوزہ گیر لشکر نا قافلہ ئے بمب جلہو ئٹ ٹک کریر ۔
جارکش ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک۔ بلوچستان نا آجوئی اسکان کوزہ گیر لشکر آ جلہو تا لڑ برجاء مرو۔
