بلوچستان نا دریابی ہند گوادر آن زوراکی ئٹ بیگواہ کننگوک بندغ ئس آجو مننگ آن گڈ نادُرست آ سلاہ بند بندغ آتا سُمکاری آن کھسک۔ اسہ پین بندغ ئس سبی آن بیگواہ کننگا۔
خلنگ مروکا بندغ نا چاہنداری ذکریا زہیر نا پن ئٹ مسنے۔
پولیس نا رد ئٹ خلنگ مروک ورنا لیویز ئٹ مسنے ہرا اندا زوت ئٹ پاکستانی لشکر نا دو آن بیگواہ مسس پدا آجو مسس۔
ایلو کنڈ آن پاکستانی لشکر نا دو آن اسہ بندغ ئس دزگیری آن گڈ بیگواہ ءِ۔
بیگواہ کننگوک بندغ نا چاہنداری گل حسن صابر ولد کھٹا خان نا پن ئٹ مسنے۔
پن کروک بندغ سبی بولان مسافر خانہ نا مون آن شام ئنا نُہہ بجہ غا 19 نومبر 2024 آ دزگیر کننگانے۔
