ضلع کیچ ئنا بنجائی شار تربت آن پاکستانی لشکر اِرا بندغ زوراکی ئٹ بیگواہ کرینے و اسہ ورنا سے بیدادی آن گڈ یلہ کننگانے۔
شابیتی حوال تا رد ئٹ ارشاد احمد پنیئو ورنا سے افتخار میڈیکل تربت آن پاکستانی لشکر دزگیر کننگ آن گڈ بے ڈسو ہند ئسے آ درینے۔
ایلو بیگواہ کننگوک ورنا نا چاہنداری نواز نادل نا پن ئٹ مسنے، ہرا نا سن 17 سال ءِ و بی آر سی کالج ئٹی ہشتمیکو جماعت نا خوانندہ ئس ءِ ہرادے پاکستانی لشکر گمشاد ہوٹل آن دزگیر کرینے ہراکان گڈ اونا ہچ ڈس اف۔
اندن اللہ داد نا مار شاہ زیب ئے برجاء تُو ئنا ہفت تاریخ آ پاکستانی لشکر اُراغان زوراکی ئٹ بیگواہ کریسس ہرا اینو آجو مرسہ اُراغا سر مسنے۔ واہم بیدادی نا سوب آن اونا حالیت جوان اف۔
